Режиссёр Азамат Ахроровнинг «Қайсаргинам 2» фильми май ойининг иккинчи ҳафтасида энг кўп томошабин тўплаган ўзбек фильми бўлди. Бу ҳақда, Алишер Навоий номидаги киносарой томонидан тақдим этилган маълумотларга асосланиб, журналист Феруз Муҳаммад маълум қилди.
Апрель ойининг иккинчи ҳафтаси кинорейтингида «Қайсаргинам 2» дан кейинги ўринларни Азиз Раметовнинг «Арслон изидан», Отабек Мирзахоловнинг «Жоним йиғлоқи», Акром Шахназаровнинг «Ҳамроҳ», Рустам Саъдиевнинг «Эр бермоқ, жон бермоқ 2» фильмлари банд этган.
Маълумот учун, ҳозирда Алишер Навоий номли киносаройда «Туғилмаганлар», «Мистер Америка ёхуд Мажруҳ 2», «Юзсиз», «Иснод» каби фильмлар намойиши давом этмоқда.
Фильмлар намойишлари жадвали билан «Дарё.Aфишa»да танишиш мумкин.
8 май — 14 май оралиғида энг кўп томошабин тўплаган ўзбек фильмлари
1-ўрин. «Қайсаргинам 2» (комедия)Режиссёр – Азамат Ахроров2-ўрин. «Арслон изидан» (жангари, драма)Режиссёр – Азиз Раметов
3-ўрин. «Жоним йиғлоқи» (комедия)Режиссёр – Отабек Мирзахолов
4-ўрин. «Ҳамроҳ» (триллер драма)Режиссёр — Акром Шахназаров
5-ўрин. Эр бермоқ, жон бермоқ 2» (комедияли мелодрама)Режиссёр — Рустам Саъдиев
Изоҳ (0)