Ўз ролларини ёлғон гапириб қўлга киритган машҳур актёрлар (фото)

AdMe машҳур актёрларнинг таржимайи ҳоли билан танишиб чиқиб, ўз ролларини ёлғон ишлатиб қўлган киритган юлдузлар рўйхатини тузиб чиқди.

Жорж Клуни

Жорж Клуни ўз фаолиятини бошлаш вақтида муаммога дуч келади. Тажрибаси йўқлиги сабаб унга ҳеч ким рол таклиф қилишни истамайди. У қийинчилик билан бир киноагент суҳбатига киради ва бу сафар ҳам рад жавобини олмаслик учун «Мушук-одамлар» фильмида суратга тушганман дея ёлғон ишлатади.

Ёлғони тезда фош бўлади. Бироқ ёш актёрнинг ғайрати агентга таъсир қилиб, у билан шартнома тузишга розилик билдиради.

Вупи Голдберг

Вупи Голдберг ҳам ўз фаолиятини бошлаш даврида агентлар уни жиддий ролларни ўйнашга жуда ёш, дея кўпинча унга рад жавобини берган. Шунинг учун Вупи ўзининг ёшига яна 6 ёш қўшишга қарор қилган. Ёлғон фойда берди ва Голдберг Голливуддаги энг талабгир актрисалардан бирига айланди.

Дэниел Крэйг

«Ковбойлар ўзга сайёраликларга қарши» фильмининг суратга олиш ишларидан олдин Крэйг ҳамкасбларига от минишни яхши биламан дея ёлғон сўзлаб уларни ишонтиради. Бироқ иш бошлангач актёр ошириб юборганини тан олишга мажбур бўлади.

«От устига чиқиб олиб йиқилиб тушмалик учун дуо қилишдан бошқа иложим қолмаган эди», — дея эслайди Крэйг суратга олиш ишларидан сўнг.

Роберт Паттинсон

Британиялик актёр Роберт Паттинсон ҳеч қачон жиддий актёрлик билимини олмаган бўлса-да, Паттинсон синов вақтида доим Қироллик драма санъати академиясини якунлагани борасида қасам ичган. Бу ҳам иш бермаган пайтда Оксфордда ўқиганини ҳам айтиб, ёлғон сўзлаган.

Рэйчел Макадамс

Рэйчел Макадамс «Мўъжизага» фильмида бош ролни қўлга киритишни шу даражада истаганидан у ҳам бошқа актёрлар каби от минишни билиши ҳақида ёлғон маълумот берган. Бу ёлғон актриса учун катта таваккалчилик бўлган, чунки унда отларга нисбатан аллергия бор эди.

Суратга олиш майдончасида унинг ёлғони фош бўлади, бироқ режиссёр актрисани алмаштиришни истамади.

Хлоя Грейс Морец

Замонавий кинематография даҳоси Мартин Скорсези «Вақт соқчилари» фильмидаги ролга инглиз актрисасини қидирган. Хлоя эса америкалик. У британча талаффузда гапириш учун анча шуғулланиб, кастингга йўл олади ва деярли охирига қадар етиб боради. Тажрибали режиссёр қизалоқ ёлғон сўзлаганини пайқаб қолади. Бироқ жаҳли чиқиши ўрнига у қизалоққа ўз фильмидаги бош роллардан бирини ўйнаш таклифини беради.

Лора Фрейзер

Шотландиялик актриса Лора Фрейзернинг шов-шувли Breaking Bad сериали кастингида иштирок этиши улкан муваффақият эди. Шунинг учун ундан немисчани биласизми деб сўрашганида, Лора ҳеч ўйланмасдан «ҳа, бемалол» дея жавоб қайтарган.

Кастинг тугагач у немисчада фақат «Ich heisse Laura» («Менинг исмим Лаура») дея олиши англаб етган. Шунга қарамай у ушбу ролни қўлга киритди ва немис тилини ўрганишга киришди.

Морган Фриман

Морган Фриман кўплаб ажойиб ролларни ижро этганига қарамай, овозидаги ноодатий тембр сабаб уни кўпинча рол ўйнаш учун эмас, кинода овоз беришга чақиришган. «Обливион» фильмида ҳам ҳудди шундай бўлди. Фриман сценарийни ўқигач, лойиҳа унга жуда маъқул бўлганидан шунчаки дубляжда иштирок этибгина қолмай, бош роллардан бирини ўйнаш истаги туғилади.

Режиссёр ва продюсерларга бор гапни айтиш ўрнига, Фриман «томоғимда жиддий муаммо бор» дея ёлғон сўзлайди. «Обвилион» фильми ижодкорлари актёр лойиҳада иштирок этишини қаттиқ исташганидан унга дарҳол фильмда рол таклиф қилишган.