Хакерлар қўлга киритган Walt Disney компаниясининг фильми «Кариб денгизи қароқчилари» франшизасининг май охирида экранларга чиқадиган янги қисми бўлиб чиқди. Бу ҳақда Голливуд янгиликларини ёзишга ихтисослашган Deadline нашри хабар берди, деб ёзади «ТАСС».
Портал маълумотларига кўра, жиноятчилар компаниядан биткоинларда катта суммани ўтказишни талаб қилган ва компания бош тортган тақдирда дастлаб беш дақиқалик парчани, кейинроқ эса 20 дақиқалик қисмини намойиш этишини маълум қилган. Улар талаб қилаётган сумма ошкор қилинмади. Айни вақтда кинокомпания ФҚБ билан ҳамкорлик қилмоқда ва жиноятчиларга пул ўтказиб беришни ўйламаяпти.
«Кариб денгизи қароқчилари: Мурдалар эртак айтмайди» фильми Америка кинопрокатига 26 майда чиқади.
Изоҳ (0)