Instagram сервиси фойдаланувчиларга мобил браузер орқали фотосуратларни юклаш имкониятини берди. Илгари суратлар фақат расмий мобил дастур орқали чоп этилар эди, деб хабар беради TJournal.
Шу билан бирга, ҳали фойдаланувчилар фильтрлар ва фотосуратларнинг кенгайтирилган таҳриридан фойдалана олмайди. Фақатгина формат танлаш ва суратни айлантириш мумкин.
Ҳозирча видеолавҳалар фақатгина мобил дастурдан юкланади.
Компания сервиснинг янгиланган веб-версиясини 2017 йилдан бери синовдан ўтказмоқда. Айни пайтда унда «Қидирув ва қизиқарли маълумотлар» бўлими пайдо бўлди. Унда таклиф этилган дўстларнинг постинглари ва бошқа фойдаланувчиларнинг машҳур суратлари кўрсатилади.
Изоҳ (0)