Янги антитеррористик стратегия доирасида АҚШ иттифоқдошларидан кўпроқ ҳаракат қилишларини талаб этиш ниятида. Бу ҳақда Reuters агентлигига таяниб, «Коммерсантъ хабар берди.
«11 вароқлик ҳужжатда АҚШ қимматга тушиши мумкин бўлган ҳарбий мажбуриятлардан қочиши керак дейилган», — деб стратегия лойиҳасидан парча келтиради агентлик.
Вашингтоннинг режасига кўра, халқаро террорчилик ташкилотларига қарши кураш операциялари янада шиддат билан давом этиши керак. Бироқ бундай вазиятда АҚШ «қон ва пул» билан тўлаётган маблағларни камайтириши лозим.
«АҚШ маъмурияти миллий хавфсизлик стратегияси, жумладан, терроризмга қарши кураш миссиясини қайта баҳолашни амалга оширмоқда», — деди Оқ уй миллий хавфсизлик кенгашининг расмий вакили Майкл Энтон.
Эслатиб ўтамиз, хавфсизлик бўйича Мюнхен конференциясида НАТОнинг европалик аъзолари блокнинг хавфсизлигини таъминлаш учун сарф-харажатлар фақатгина АҚШнинг зиммасига тушмаслиги учун ўзларининг ҳарбий харажатларини оширишга ваъда берган эди.
Изоҳ (0)