Американинг етакчи ABC, CBS, NBC ва CNN телаканаллари АҚШ президенти Дональд Трампнинг мамлакат раҳбари лавозимига ўтирганлигининг биринчи 100 кунида эришган муваффақиятларига бағишлаб ишланган роликни намойиш этишдан бош тортди. Бу ҳақда AP агентлигига таяниб, «Коммерсантъ» хабар берди.
«Етакчи ОАВлар учун биринчи банд (АҚШ конституциясининг сўз эркинлиги тўғрисидаги банди), қачонки ўзларининг сиёсий қарашларига хизмат қилсагина муҳим эканлиги ойдек равшан», — дея ОАВлар қарорини изоҳлади Оқ уй маъмурияти маслаҳатчиси, АҚШ президентининг ўғли Эрик Трампнинг рафиқаси Лара Трамп.
Видеороликда CNN, ABC, MSNBC, CBS ва NBC телеканаллари журналистлари «ёлғон хабарлар» титри остидаги кадрда пайдо бўлади. Рекламани Fox News ва Fox Business телеканаллари намойиш этди.
Аввалроқ, Дональд Трамп The New York Times, NBC, ABC, CBS ва CNN телеканалларини Америка халқининг душмани дея эълон қилган эди. Бундан ташқари, АҚШ президенти февраль ойида Оқ уй журналистлари билан ўтказиладиган анъанавий кечги овқатдан бош тортганди.
Изоҳ (0)