«Сурия демократик кучлари» (SDF) Сурия шимолида жойлашган Табка шаҳрига ҳужум қилишда давом этмоқда. Улар шаҳар чеккасидаги Саҳл ал-Хасаб қишлоғини озод этишга муваффақ бўлди, дея «РИА Новости» хабар бермоқда.
Агентликнинг маълум қилишича, тўрт кун давом этган тўқнашувлардан сўнг SDF жангчилари Табка шаҳри шарқидаги Саҳл ал-Хасаб қишлоғи озод қилган ва уни жангарилардан тозаланган.
Ушбу тўқнашувлар натижасида ИШИДнинг 14 нафар жангариси, жумладан, снайперчиси ҳам йўқ қилинган.
Табка ва ИШИДнинг «Суриядаги пойтахти» — Раққа шаҳарларни озод қилиш «Сурия демократик кучлари» томонидан эълон қилинган «Фрот ғазаби» операциясининг бир қисми ҳисобланади.
SDF операцияларни Америка авиацияси ва махсус кучлари ёрдамида амалга оширмоқда. Америкаликлар Сурия ҳукуматининг рухсатисиз ҳаракат қилаётгани сабаб бу расмий Дамашқнинг норозилигига сабаб бўлмоқда.
Изоҳ (0)