Хитойда йиғилган энг йирик йўловчи авиалайнери — C919 биринчи синов парвозини амалга оширди. Бу ҳақда Хитой марказий телевидениеси — CCTV’га асосланиб, «РБК» хабар бермоқда.
Авиалайнер келажакда Boeing, Airbus ҳамда Россияда ишлаб чиқилаётган MC-21 га рақобатчи бўлиши кутилмоқда.
Синов 5 май куни ўтказилди. Телеканалда таъкидланишича, бу ҳолат Хитойни АҚШ, Европа ва Россиядан кейинги тўртинчи энг йирик авиақурувчига айлантиради.
Икки двигателли самолёт Шанхайдаги Pudong халқаро аэропортидан учиб чиқди. Бортда парвоз чоғи экипажнинг беш аъзоси бор эди.