«Ўлмас полк» акцияси ислом анъаналарига тўғри келмаганлиги боис Тожикистонда ўтказилмайди
Тожикистон расмийлари «Ўлмас полк» акцияси аввал бошидан республикада «Ғалаба куни»ни нишонлаш борасидаги режага киритилмагани учун Душанбеда ўтказилмайди, деб тушунтириш берди. Бу ҳақда «Ховар» давлат ахборот агентлиги маълумот тарқатди.
Хабарда таъкидланишича, Тожикистон ва Афғонистоннинг чегара ҳудудида содир бўлаётган жанговар ҳаракатлар сабаб мамлакат расмийлари 9 май кунига режалаштирилган акциялардан ошиғини ўтказа олмайди.
Бундан ташқари, ислом анъаналарига биноан, мусулмонлар ўлган одамларнинг суратларини кўтариб олиб кўчаларда юриши мумкин эмас, деб ёзади «Ховар».
Душанбе мериясига «Ўлмас полк» акциясини ўтказиш борасида ариза республика уруш ва меҳнат фахрийлари қўмитаси томонидан берилган эди.
Мавзуга доир: Ўзбекистонда «Ўлмас полк» акцияси ўтказилмайди
