Россиянинг Иркутск вилояти Братск шаҳрида Сурияда ҳалок бўлган, шартнома асосидаги ҳарбий хизматчи Богдан Деревицкийнинг дафн маросими бўлиб ўтди. Бу ҳақда «РИА Новости» маҳаллий маъмуриятга асосланиб маълум қилди, деб хабар берди «Газета.ru».
«Бугун Сурияда ҳалок бўлган братсклик ҳарбий хизматчи — Богдан билан видолашдик. У Правобережний округидаги қабристонга ҳарбий эҳтиром билан дафн қилинди», — деб хабар берди маъмурият.
Маълумотларга кўра, Богдан Деревицкий — Сурияда шартнома асосида ҳарбий хизматни ўтаган. 24 ёшда бўлган Богданнинг хотини ҳамда бир нафар фарзанди бор. Ҳарбий қай тарзда ҳалок бўлгани ҳозирча маълум қилинмади.
Россия Мудофаа вазирлигининг 11 апрелдаги расмий маълумотларига кўра, Сурияда 30 нафар россиялик ҳарбий ҳалок бўлган.
Изоҳ (0)