Япония бош вазири Синдзо Абэ 2020 йилда конституциявий ислоҳот ўтказмоқчилигини маълум қилди. Бош вазир мамлакат конституциясининг Япониянинг урушдан ва қуролли кучлар тузишдан воз кечиш ҳақидаги тўққизинчи моддасига ўзини мудофаа қилиш кучлари ҳақидаги бандни киритишни мақсад қилиб қўйган. Бу ҳақда Абэ Yomiuri Shimbun газетасига маълум қилди, деб ёзмоқда «РБК».
Бош вазирнинг тушунтиришича, ҳукумат 9-модданинг тинчлик қисмини ўзгартириш ёки бекор қилишни режалаштирмаяпти. Гап ўз ўзини мудофаа қилиш кучлари мақомини мустаҳкамлаш ҳақида кетмоқда. Абэнинг сўзларига кўра, Японияда ҳукмрон Либерал-демократик партия Конституцияни қайта кўриб чиқиш фикрини қўллаб-қувватлайди.
«2020 йилда мамлакатда Олимпиада ва Паралимпия ўйинлари бўлиб ўтади, бундан Япониянинг қайта туғилиши учун имконият сифатида фойдаланишимиз керак», — деб изоҳ берган бош вазир.
Абэнинг изоҳи амалдаги конституция кучга кирганлигининг 70 йиллиги билан боғланган. Ҳужжат лойиҳаси АҚШ маъмурияти иштирокида ишлаб чиқилган. Тўққизинчи модда ҳарбийлашган Япониянинг қайтадан шаклланмаслиги учун ёзилган. Модда «миллатнинг суверен ҳуқуқи» сифатида мамлакатнинг урушдан «абадий» воз кечишини мустаҳкамлаб қўйган.
Шунингдек, моддада мамлакатда ҳеч қачон қуруқлик, денгиз ва ҳарбий ҳаво кучлари ҳамда унга тенглаштирилган ҳарбий воситалар тузилмаслиги белгилаб қўйилган. 1954 йилда Япониянинг ўзини мудофаа қилиш кучлари тузилган. Тузилманинг ваколатлари дастлаб қатъий чекланган эди.
Япония Конституциясига қабул қилинганидан буён тузатишлар киритилмаган.
Изоҳ (0)