Америка армиясининг Military Review журнали ҳарбий фотосуратчи Хилда Клейтон ўз ўлимидан бир лаҳза олдин олган портлаш суратларини чоп этди, деб ёзади «РИА Новости».
Клейтон 2013 йил июлида Афғонистонда ҳалок бўлган. У камерага олаётган ўқув машқлари чоғида кутилмаганда миномёт стволи портлаб кетган. Натижада беш киши, шу жумладан, тўрт нафар афғонистонлик аскар ҳалок бўлган, улардан бири ҳам ҳарбий фотосуратчи бўлган.
Military Review Клейтоннинг афғонистонлик ҳамкасби томонидан олинган портлаш суратини ҳам эълон қилди.
Суратлар фожиадан қарийб тўрт йил ўтганидан сўнггина эълон қилинди. Нашр таъкидлашича, «ҳарбий машғулотлар ва жанглар чоғида ҳам аёллар, ҳам эркаклар дуч келадиган хавфларни» кўрсатиб бериш мақсадида суратларни чоп этишга қарор қилишган.
Изоҳ (0)