Тошкент шаҳар Учтепа тумани ҳуқуқбузарликларни олдини олиш хизмати ходими 16 апрель куни ўз хизмат вазифасини бажараётган вақтда фуқаро О. унга нисбатан қаршилик кўрсатиб, жиддий тан жароҳати етказди. Бу ҳақда Тошкент шаҳар ИИББда 27 апрель куни бўлиб ўтган брифингда маълум қилинди.
Навбатчилик қисмидан тушган хабарга асосан ички ишлар ходими Зарафшон кўчасида жойлашган уйга борган. Хонадонда маст фуқаро ўз турмуш ўртоғи билан жанжаллашаётгани аниқланган.
Ходим фуқарони милиция таянч пунктига олиб келиб, оилавий жанжал сабабини аниқлаштириб, фуқародан тушунтириш хати олаётган вақтда, милиционерга эркак қаршилик кўрсатган ва боши билан унинг юз соҳасига зарб берган.
Натижада милиционернинг ўнг ёноқ суяги синган, бош мияси чайқалган ва кўз ости гематомаси юзага келган. Ходимга Тошкент шаҳар тез тиббий ёрдам клиник шифохонасида ёрдам кўрсатилган.
Ҳолат юзасидан прокуратура идоралари томонидан фуқарога нисбатан Жиноят Кодексининг 277-моддаси биринчи қисми, яъни безорилик аломатлари билан жиноий иш қўзғатилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)