Ўзбекистон Хусусийлаштирилган корхоналарга кўмаклашиш ва рақобатни ривожлантириш давлат қўмитаси раиси биринчи ўринбосари Сайфитдин Гафаров лавозимидан озод этилди.
UzNews’нинг ўз манбасига асосланиб хабар беришича, Ўзбекистон Президенти бу ҳақдаги тегишли фармонни 26 апрель куни имзолаган.
Хабар беришларича, Сайфитдин Гафаров мазкур лавозимда 2010 йилдан бери ишлаб келаётган эди.
Маълумот учун, Ўзбекистон Президентининг 18 апрелдаги фармонига мувофиқ Хусусийлаштириш, монополиядан чиқариш ва рақобатни ривожлантириш давлат қўмитаси негизида Хусусийлаштирилган корхоналарга кўмаклашиш ва рақобатни ривожлантириш давлат қўмитаси ташкил этилган эди.
20 апрель куни эса шу вақтгача Ўзбекистон Тикланиш ва тараққиёт жамғармаси ижрочи директори лавозимида ишлаб келган Равшан Ғуломов янги ташкил этилган давлат қўмитаси раиси этиб тайинланди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)