Трамп президентлик муддати якунлангунча Марсга парвоз қилишга улгуриш зарурлиги ҳақида ҳазил қилди (видео)

Дональд Трамп Халқаро коинот станцияси (ХКС) экипажининг америкалик аъзолари билан видеоалоқада бўлди. Бу ҳақда TJournal хабар бермоқда.

АҚШ президенти астронавтлар билан мулоқот чоғида Марсга парвоз мавзусини муҳокама қилди ва ҳазиломуз тарзда америкаликлар Трамп президентлигининг биринчи муддати якунлангунча у ерга одамлар тушган кемани жўнатишга уриниб кўришини маълум қилди.

Трамп ҳазилини давом эттирди ва NASA учун «вазифани енгиллаштиргани», Марсга инсон парвозини иккинчи президентлик муддати охиригача ҳам амалга оширишга рухсат беришини билдирди.

«Биз буни президентлик муддатим якунлангунча амалга оширишга уриниб кўрамиз. Жуда бўлмаганда иккинчи муддат охиригача. Биз бу масалада жадаллашишимиз керак», — дея таъкидлади Трамп.

«Дарё»нинг Telegram’даги расмий канали — @toshqindaryo’га аъзо бўлинг!