«Радиоалоқа, радиоэшиттириш ва телевидение маркази» давлат унитар корхонаси томонидан 2017 йилнинг март—апрель ойларида республиканинг барча вилоятларида жами 36 та (12 таси юқори қувватли ва 24 таси кам қувватли) DVB-T2 стандартидаги рақамли телеузаткичлар ишга туширилди. Бу ҳақда корхона расмий сайтида хабар берилди.
Бу «Ўзбекистон Республикаси ер усти рақамли телевидение тармоғини ривожлантириш» инвестицион лойиҳаси доирасида амалга оширилган.
Жумладан, Андижон вилоятида 2 та, Наманган вилоятида 2 та, Фарғона вилоятида 3 та, Тошкент вилоятида 2 та, Сирдарё вилоятида 1 та, Жиззах вилоятида 1 та, Самарқанд вилоятида 1 та, Навоий вилоятида 2 та, Бухоро вилоятида 3 та, Қашқадарё вилоятида 1 та, Сурхондарё вилоятида 9 та, Хоразм вилоятида 1 та, Қорақалпоғистон Республикасида 8 та рақамли телеузаткичлар ўрнатилиб, ишга туширилган.
Улар орқали ҳудудларда яшовчи аҳолига очиқ тўплам таркибидаги телерадиодастурларни узатиб бериш йўлга қўйилди.
Узаткичлар ўрнатилган радиотелевизион станциялар номи ва ишга туширилган санаси ҳамда вилоятларда DVB-T2 стандартидаги рақамли телеузаткичлар ўрнатилган радиотелевизион станциялар билан «Радиоалоқа, радиоэшиттириш ва телевидение маркази» давлат унитар корхонаси сайтида танишиш мумкин.
Изоҳ (0)