Бухоро вилояти ҳокимлигида 17 апрель куни вилоят ҳокими Ўктам Барноев иштирокида ҳокимлик соати йиғилиши бўлиб ўтди, дея хабар бермоқда ҳокимлик ахборот хизмати.
Ҳокимлик соатида Ўзбекистон Президенти Шавкат Мирзиёевнинг 10—11 март кунлари Бухоро вилоятига ташрифи давомида берилган топшириқлар ва 16 мартдаги кенгайтирилган тарзда ўтказилган мажлис баёни ижросининг ҳолати, 2017 йил биринчи чоракда маҳаллий бюджет даромадлари режасининг ижроси ҳамда иккинчи чорак прогноз кўрсаткичларини бажариш ва ҳудудларда субвенсия улушини камайтириш юзасида амалга ошириладиган вазифалар тўғрисидаги масалалар танқидий кўриб чиқилди.
Йиғилишда қишлоқ хўжалиги ишларини ташкил этиш, аҳоли томорқаларидан самарали фойдаланиш, экин экиш ишларини тез кунларда якунлаш ҳамда аҳоли хонадонларига тижорат банклари томонидан кредит маблағлари ажратилишининг аҳволи муҳокама қилинди.
Жорий йилнинг 15 апрель ҳолатига кўра 265 минг 196 та аҳоли хонадонининг жами 42,1 минг гектар ёки 92,9 фоиз томорқа майдонларига озиқ-овқат экинлари экилган. 4175 та аҳоли хонадонларида 68,5 гектар иссиқхона ташкил этилди.
Вилоят бўйича 68 480 туп лимон, 22 447 туп ёнғоқ, 21 988 туп унаби ҳамда 22 179 туп мевали, ток ва манзарали кўчатлар ўтқазилди.
«Паррандачилик билан шуғулланиш истаги мавжуд 7509 та хонадон эгаларига 750,9 минг бош жўжа этказиб берилиб, режа кўрсаткичи 20,5 фоизга бажарилди», — дейилади ҳокимлик ахборотида.
Мавзуга доир: Шофирконда банклар аҳолига 200 туп лимон кўчати етказиб берди. Режа бўйича 8460 туп кўчат етказилиши керак эди
Изоҳ (0)