Туркия президенти Ражаб Тоййиб Эрдўғон мамлакатда бўлиб ўтган референдум уни абадий ҳукмдорлар билан бир қаторга қўйиб қўймаслигини маълум қилди. Бу ҳақда «ТАСС» хабар бермоқда.
«Мен аслида бир бандаман, исталган вақтда ўлим топишим мумкин», — деди Эрдўғон CNN телеканалига берган интервьюси давомида. Президент Анқарадаги ўз қароргоҳида журналистларнинг саволларига жавоб қайтарган.
Эрдўғон референдум натижасида тақдим этилган кенг ваколатлардан шахсий мақсадларда фойдаланиши ҳақидаги гумонларни рад этди.
«Туркиянинг демократик тарихида тизим ўзгармоқда, трансформацияга учрамоқда... Диктатура мавжуд жойда, президентлик тизимига ҳожат йўқ», — дея қўшимча қилди Эрдўғон.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)