Санкт-Петербург метросидаги теракт ташкилотчиси деб гумон қилинаётган асли қирғизистонлик Аброр Азимов Россияда Владимир вилоятидаги кичик бир қишлоқда истиқомат қилган. Бу ҳақда «Газета.ru» хабар бермоқда.
Ҳуқуқни муҳофаза қилувчи идораларнинг маҳаллий аҳолига асосланиб маълум қилишича, одамлар уни самимий ва хушчақчақ қўшни сифатида тилга олган.
Қўшниларининг сўзларига кўра, Азимов бор вақтини акаси, хотини ва жиянлари билан бирга ўтказган. Улар Москвада ишлашлари ҳақида айтишган, қишлоққа фақат дам олиш кунлари келишган.
Азимовнинг акаси ва хотини Петербургдаги терактдан тахминан ярим йилча аввал Қирғизистонга қайтиб кетган.
Манба маълумотларига кўра, ҳозирги вақтда махсус хизматлар Азимовнинг акаси — Акрам ва йигитлар билан бирга бир неча ой яшаган уларнинг амакисини ҳам сўроқ қилмоқда.
Аввалроқ Азимов 2013 йили Россия фуқаролигини олгани ҳақида хабар берилган эди. Москванинг Басманний тумани суди Аброр Азимовни 3 июнга қадар ҳибсга олиш ҳақида қарор чиқарган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)