Оқ уй маъмурияти АҚШ Давлат котибининг Россияга ташрифини ижобий баҳолади

АҚШ Давлат котиби Рекс Тиллерсоннинг Москвага ташрифи «ўз вақтида амалга оширилган ва ижобий қадам» ҳисобланади. Бу ҳақда Оқ уй маъмуриятининг юқори мартабали вакили маълум қилди, дея хабар беради «Газета.ru». 

«Ўта ижобий ва жуда мавриди бўлган қадам ташланди: бу Тиллерсоннинг Москвага сафари. Ташриф давомида у ташқи ишлар вазири Лавров ва президент Путин билан кенг доирада баҳс олиб борди. Биз мазкур ташриф натижаларини ҳали баҳолашимиз керак бўлади», — дея таъкидлади маъмурият вакили.

У Путин ва Трампнинг эҳтимолий учрашуви ҳақидаги саволни очиқ қолдирди. 

Олдинроқ Дональд Трамп Тиллерсон Россияга сафари давомида АҚШ ва иттифоқдошларнинг хавфсизлик соҳасидаги манфаатларини илгари сургани ҳамда бу ишни «қойилмақом бажаргани»ни билдирганди.

«Дарё»нинг Telegram’даги расмий канали — @toshqindaryo’га аъзо бўлинг!