Ҳиндистон Олий судининг қарори бўйича Bharat Sanchar Nigam Limited телекоммуникация компанияси Мадхя-Прадеш штатидаги уяли алоқа минораси ишини тўхтатиши керак. Бу ҳақида The Times of India нашрига таяниб, TJournal хабар берди.
Бунга уй ишчиси бўлмиш 42 ёшли Хариш Тивари минора тарқатаётган радиация ўзида саратон келиб чиқишига сабаб бўлгани ҳақидаги шикояти асос бўлган.
Эркакнинг сўзларига кўра, минора иш жойининг ёнидаги уй томига ўрнатилган ва 2002 йилдан бери кун-у тун ишламоқда. Тиварининг таъкидлашича, 14 йиллик радиация оқибатида унда саратон касаллиги ривожланган.
Ҳиндистонлик аризани 2016 йил март ойида топширган, бироқ суд радиациянинг таъсирини исботловчи далиллар талаб қилган. Тиварининг адвокатлари ҳайвонларни муҳофаза қилувчилар билан биргаликда миноранинг доимий иши туфайли ҳудуддан қуш ҳамда ҳайвонлар кетиб қолгани ҳақида сўзлади.
Суд кенгаши Тиварини қўшнисининг томига ўрнатилган минорани ноқонуний деб топди. Суд минорани етти иш куни давомида ёпиш ҳақида қарор чиқарди.
Жаҳон соғлиқни сақлаш ташкилотининг ҳисоботига таяниб «паст даражадаги электромагнит майдонлар зарарининг илмий исботи йўқ»лиги ҳақида маълум қилишган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)