Oq uy ma’muriyati AQSh Davlat kotibining Rossiyaga tashrifini ijobiy baholadi

AQSh Davlat kotibi Reks Tillersonning Moskvaga tashrifi “o‘z vaqtida amalga oshirilgan va ijobiy qadam” hisoblanadi. Bu haqda Oq uy ma’muriyatining yuqori martabali vakili ma’lum qildi, deya xabar beradi “Gazeta.ru”. 

“O‘ta ijobiy va juda mavridi bo‘lgan qadam tashlandi: bu Tillersonning Moskvaga safari. Tashrif davomida u tashqi ishlar vaziri Lavrov va prezident Putin bilan keng doirada bahs olib bordi. Biz mazkur tashrif natijalarini hali baholashimiz kerak bo‘ladi”, — deya ta’kidladi ma’muriyat vakili.

U Putin va Trampning ehtimoliy uchrashuvi haqidagi savolni ochiq qoldirdi. 

Oldinroq Donald Tramp Tillerson Rossiyaga safari davomida AQSh va ittifoqdoshlarning xavfsizlik sohasidagi manfaatlarini ilgari surgani hamda bu ishni “qoyilmaqom bajargani”ni bildirgandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!