Остона — Ақтўбе йўналишидаги тезюрар поезд манзилга етиб келгач, 16-вагон кузатувчиси Эржан Арденов купедаги матрас остида унутиб қолдирилган ва ичида икки миллион тенге, банк пластик картаси ҳамда бошқа нарсалар бўлган қўл сумкасини топиб олган. Шундан сўнг поезд бошлиғи билан биргаликда далолатнома тузилган ва қўл сумкаси ичидаги ашёлар билан тўлалигича ўз эгасига қайтарилган. Бу ҳақда Kazakhstan Today хабар берди.
Темир йўл компаниясининг маълумотларига кўра, йўловчилар одатда поездда нафақат пул ва ҳужжатларни, балки бошқа қимматбаҳо буюмлар, мобил телефонлар, ноутбуклар, соатлар ва бошқа нарсаларни унутиб қолдиради. Жорий йилнинг бошидан буён ҳудудий филиаллардаги вагон кузатувчилари қимматбаҳо буюмлар ва ҳужжатларни эгаларига қайтарилганлиги юзасидан 18 та ҳолатни рўйхатга олган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)