Франция президентлигига номзод, «Миллий фронт» партияси етакчиси Марин Ле Пеннинг штаб-квартираси жойлашган бинода 13 апрель, пайшанбага ўтар кечаси ёнғин юз берди. Бу ҳақда «Корреспондент.net» хабар бермоқда.
Алангаланиш ўчоғи Парижда, Фобур Сан-Оноре кўчасидаги бинонинг Ле Пен штаб-квартираси жойлашган биринчи қаватида бўлгани билдирилмоқда.
Ҳодиса жойига зудлик билан ўт ўчирувчилар етиб келди ва ёнғин авж олишини бартараф этди.
Полициядаги манбаларга кўра, алангаланишнинг дастлабки сабаби қасддан ўт қўйишдир. AFP агентлигига кўра, бунинг учун жавобгарликни «Ксенофобияга қарши кураш» гуруҳи ўз зиммасига олган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)