АҚШ президенти Дональд Трамп Конгресснинг бир неча аъзосига кимёвий ҳужумга жавобан Сурияда тўлиқ миқёсли ҳарбий ҳаракатлар бошлаш ҳақида ўйлаб кўришини маълум қилди. Бу ҳақда «Газета.ru» хабар бермоқда.
Воқеа билан таниш бўлган манба Трамп мавжуд ҳолат ва бундай мақсадларнинг жиддийлигини тушунаётганини таъкидлади. Унинг сўзларига кўра, президент ҳали сўнгги қарорни қабул қилмаган, бироқ ушбу эҳтимолни мудофаа вазири Жеймс Мэттис билан муҳокама қилган.
Манба Трамп Мэттиснинг қароридан келиб чиқиб, ҳаракат қилишини қайд этди.
АҚШнинг Суриядаги операциясига оид сўнгги қарор ҳозирча қабул қилинмаганлиги таъкидланмоқда.
Шу билан бир вақтда, Оқ уйнинг мансабдор шахсларидан бири АҚШ Идлибдаги кимёвий ҳужумга ҳарбий жавоб қайтариш вариантини ҳам кўриб чиқаётганини қайд этди.
Эслатиб ўтамиз, Суриянинг мухолифат томонидан назорат қилинадиган Хан-Шейхун шаҳрида авиаҳужумлар чоғи заҳарловчи газ қўлланилиши оқибатида камида 80 киши ҳалок бўлган эди.
Изоҳ (0)