Туркия Соғлиқни сақлаш вазирлиги Суриянинг Идлиб вилоятида, дастлабки тахминларга кўра, кимёвий ҳужум оқибатида қурбон бўлганларнинг жасадлари ёриб кўрилганида, уларнинг танасида зарин борлиги аниқланган. Бу ҳақда «Коммерсантъ» хабар бермоқда.
«Идлибда ҳалок бўлган уч кишининг жасади аутопсия қилинганида, зарин аниқланди. Адана ва Хатайда 31 нафар жабрланувчини даволаш ишлари давом этмоқда», — дея Туркия Соғлиқни сақлаш вазирлиги баёнотини ўқиб эшиттирди НТВ телеканали.
Аввалроқ Syrian Network For Human Rights ташкилоти «Жибҳат Фатх аш-Шом» гуруҳи назорати остида қолаётган Идлиб вилоятидаги Хон-Шайхун шаҳрига, катта эҳтимол билан, ҳаводан кимёвий зарба берилганини маълум қилган эди.
Авиазарбада Сурия ва Россия авиацияси айбланди. Бироқ расмий Москва ва расмий Дамашқ мазкур ҳодисага алоқадор эканини рад этмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)