Австралия ташқи ишлар вазири Жули Бишоп КХДР томонидан яна баллистик ракета учирилишини қатъиян қоралади ва шу муносабат билан унинг мамлакати Пхеньянга нисбатан автоном санкциялар режимини кучайтириш ниятида эканлигини маълум қилди, деб ёзади «ТАСС».
«Австралия Шимолий Корея томонидан таҳдидларга қарши туриш учун минтақадаги дўстлари ва шериклари билан ишлашда давом этади, — дейилади ТИВ раҳбари баёнотида. — Биз БМТ Хавфсизлик кенгашининг санкцияларини қатъий тарзда қўллаб-қувватлаймиз ва ўзимизнинг автоном чоралар режимини кенгайтириш устида ишлаяпмиз».
КХДРнинг узоқ муддатли манфаатларига «атом ва ракета дастурларига нуқта қўйиш ҳамда халқаро жамоатчилик билан ижобий алоқаларни йўлга қўйиш энг яхши даражада жавоб беради», — деди Бишоп.
Корея Республикаси штаб бошлиқлари қўмитаси маълумотларига кўра, КХДР 5 апрель куни KN-5 туридаги «Пуккиксон-2» ўрта масофали баллистик ракетасини учирди. У 189 км максимал баландликка етиб, 60 километрга яқин масофани босиб ўтди.
Изоҳ (0)