Навоийдаги митти туманлардан бирига маиший чиқиндиларни тўплаш учун ер ости контейнерлари тажриба сифатида ўрнатилди, деб ёзади «Газета.uz». Naveco деб ном олган лойиҳа «Бережливость» («Тежамкорлик») хусусий ишлаб чиқариш корхонаси ташаббуси билан амалга оширилмоқда.
Металл ахлатдонлар ер остида 2 метр чуқурликда жойлашган. Устига эшиклари бўлган иккита устун ўрнатилган, уларга озиқ-овқат ва қаттиқ маиший чиқиндиларни алоҳида ташлаш ҳақидаги ёзувлар туширилган. Ахлат ташувчи машинага уланадиган кўтарилувчи механизм 1,5 дақиқада контейнерларни ер юзасига чиқаради ва яна шахтага туширади.
Naveco лойиҳасини амалга ошириш учун Навоий ҳокимлиги учта маҳалла фуқаролар йиғини жойлашган ва 11 мингдан ортиқ киши яшайдиган 9-митти туман ҳудудини ажратди. Ер ости чиқинди баклари еттита жойга ўрнатилган. Ахлатни чиқариб кетиш учун ахлат ташувчи машина кредитга олинган. Ишчилар бригадаси ҳар куни ҳудудни айланиб чиқади.
«Бережливость» корхонаси Кармана туманида қаттиқ маиший чиқиндиларни қайта ишлаш бўйича заводни қуришга киришди. У 6 гектар майдонни эгаллайди. Лойиҳага 5,4 миллиард сўм ажратилади. Завод 2018 йил охиригача тўлиқ фойдаланишга топширилади.
Изоҳ (0)