АҚШнинг Мэриленд штати Тармонт шаҳрида яшовчи 18 ёшли мактаб ўқувчиси Николь Цеварио 2016 йил декабрь ойидан буён «Катоктин» мактабида оммавий қотилликни амалга оширишга тайёрланиб келган. У милтиқ ва патрон сотиб олган. Мактаб чизмасини, қўриқчилар иш тартибини пухта ўрганган, ҳужум режасини батафсил тузган. Бу ҳақда Meduza маълум қилди.
Қизнинг режасини унинг кундалигини ўқиган отаси билиб қолган ва полицияга хабар берган. Ўқувчи бутун режасини ўз кундалигида батафсил ёзиб борган. У ҳужумни 5 апрелда амалга оширишни режалаштирган. Бундан ташқари, у портловчи воситалар тайёрлаш учун ҳам керакли жиҳозлар сотиб олган.
Николь 23 мартда полиция томонидан ҳибсга олинган. Унинг қотилликка тайёрланишига нима сабаб бўлгани ҳозирча номаълум. Николь 25 йилгача озодликдан маҳрум қилиниши мумкин.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)