Венесуэла президенти Николас Мадуро мамлакат Миллий хавфсизлик кенгашини чақирди. Президентнинг маълум қилишича, мажлис яқин вақт ичида бўлиб ўтади, дея хабар бермоқда El Nacional.
Мадуронинг сўзларига кўра, кенгаш Венесуэла Бош прокуратураси ва Олий суди ўртасидаги тушунмовчиликни ҳал қилиши керак.
«Мен, давлат раҳбари сифатида, конституциямизни мустаҳкамлайдиган ва тинчлик олиб келадиган қарорни тайёрлаши учун Миллий хавфсизлик кенгашини чақираман», — деди Мадуро.
Аввалроқ Венесуэла парламенти Мадурони давлат тўнтаришини уюштиришда айблаган эди. Парламент вакиллари президентнинг парламент ва Олий суд ваколатларини четлаб ўтган ҳолда қарорлар қабул қилишидан норози.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)