Тошкент шаҳрида 15 мартдан 29 мартга қадар 883 та кузатув камералари ёрдамида 45 мингга яқин қоидабузарлик аниқланди. Бу ҳақда 30 март куни Тошкент шаҳар ИИББда бўлиб ўтган брифингда маълум қилинди.
Шундан 26 мингтага яқинини светофорнинг қизил чироғидан ҳаракатланиш, 19 мингдан зиёдини эса тезликни белгиланган меъёрдан оширганлик қоидабузарликлари ташкил этган.
Сўнгги бир ҳафта — етти кун — давомида эса чорраҳалардаги камералар томонидан 8 мингдан зиёд қоидабузарлик қайд этилган. Уларнинг ярмини қизил чироқда ҳаракатланиш, қолганини эса тезликни ошириш ҳолатлари ташкил этади.
Таққослаш учун, камералар ишга тушган 15 март куни бир суткада 8 мингдан зиёд қоидабузарлик қайд этилган эди.
Мавзуга доир: Тошкент ЙҲХБ: Чорраҳаларда камераларнинг ишга тушиши қоидабузарликлар сони камайишига олиб келди
Қайд этишларича, ҳафта давомида 15 та йўл транспорт ҳодисаси содир этилган — камералар ишга туширилганлиги муносабати билан, бу ўтган йилнинг шу ҳафтасига нисбатан 13 тага кам. Одам ўлими билан боғлиқ ҳолат эса 5 тага камайган (ўтган етти кун давомида 1 та аниқланган).
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)