Автомобиль ишлаб чиқарувчилари томонидан турли кўринишдаги машиналар яратилган. Ким учундир чиройли кўринган автомобиль бошқа ишқибозга ёқмаслиги мумкин. «Мотор» нашри энг беўхшов автомобиллар фотожамланмасини тақдим этди.
Subaru Baja
Жуда ғалати кўринишдаги пикап 2002 йилдан 2006 йилгача ишлаб чиқарилган. Машина Baja 1000 пойгасида иштирок этган автомобиллардан илҳомланган ҳолда яратилган. Subaru йилига 24 мингта шундай автомобиль сотишни режалаштирган. Бироқ тўрт ярим йилда атиги 30 та машина ишлаб чиқарилган.
Chevrolet Malibu Maxx
2004 йилда Chevrolet Malibu’нинг Opel Vectra C’дан фарқ қилмайдиган олтинчи авлоди яратилди. Машина ўзига хос ташқи кўринишга эга. Бир вақтнинг ўзида беш эшикли Malibu Maxx ҳам яратилди. Машина Opel Signum’нинг американча кўриниши ҳисобланади. Орқа ўриндиқлари устида ёруғлик люки бўлишига ва олти цилиндрли двигателга эга бўлишига қарамасдан, автомобиль оммалашмади.
Москвич-2142 «Иван Калита»
«Москвич» авто ишлаб чиқарувчисининг охирги автомобили «Иван Калита» седани бўлди. Машина атиги 33 нусхада йиғилган ва улкан заводни қутқариб қола олмаган. Renault двигателига, шинам салонга эга бўлишига қарамасдан, автомобилнинг иккита асосий камчилиги бўлган — унинг ташқи кўриниши ва материалларнинг сифати.
Nissan Murano CrossCabriolet
2011 йилдан 2014 йилгача ишлаб чиқарилган Мurano ўз харидорларини топа олмaгани сабабли Nissan уни ишлаб чиқаришни тўхтатган.
Vanden Plas 1500
Кўп маваффақиятга эриша олмаган Vanden Plas 1500 (ёки Austin Allegro) беш йил давомида қарийб 12 минг харидор томонидан сотиб олинган. Одатий Allegro’дан фарқли равишда Vanden Plas чарм билан қопланган салонга ва яхшиланган товуш изоляциясига эга.
B Engineering Edonis
Bugatti EB110 автомобилига ўхшаш B Engineering’нинг двигатели ва салони қайта ишланган. Компания XXI аср шарафига 21 та автомобиль ишлаб чиқишга қарор қилган. Режа амалга ошган ёки ошмаганлиги номаълум. 2003 йилда машинанинг нархи 760 минг еврони ташкил қилган.
Bristol Blenheim
Bristol маркаси ўзининг иккинчи ҳаётини яшамоқда. Яратилганига кўп бўлмаган Blenheim 1976 йилда тақдим этилган Type 603 моделига асосланган. Сўнгги шундай улов 2011 йилда Opel Senator’нинг орқа ёритиш чироқлари, BMW’нинг кичкина ғилдираклари ва ёритиш қурилмалари билан ишлаб чиқарилган.
Skelta G-Force
Skelta спорткари 2008 йилда намойиш этилган. Автомобиль пойга йўлакларида ўзини кўрсата олган, бироқ Австралия ва Буюк Британия кўчаларида уни учратиш қийин. G-Force’га асос сифатида Honda S2000 олинган.
Marcos Mantis
Macros компанияси 1968 йилда Mantis XP автомобилини тақдим этган. Автомобиль нархининг жуда юқори бўлгани сабабли 1971 йилда 32 нусхада яратилган машинанинг ишлаб чиқарилиши тўхтатилган.
Consulier GTP
Вазни 998 кг бўлган автомобиль АҚШда Уоррен Мослер томонидан яратилган. Кейинчалик Consulier Уоррен номи билан аталадиган компанияннг биринчи рақамли машинасига айланди.
Pontiac Aztek
Автомобиль 2001—2004 йиллар оралиғида сотилган бўлиб, 3,4 литр сиғимли V6 двигателига ва тўрт даражали автомат тезлик узатиш қутисига эга.
Weber Faster One
Швейцариянинг Weber компанияси томонидан ишлаб чиқарилган Faster One деярли муваффақиятга эришмаган. Ҳозирги кунда компания машинанинг янги Faster F1 One кўринишини тақдим этмоқчи бўляпти.
SsangYong Rodius
2004 йилда тақдим этилган Rodius беш ва олти цилиндрли двигателлар билан жиҳозланган. У биринчи авлод бўлиб, 2013 йилда автомобилнинг иккинчи авлоди яратилди.
Fiat Multipla
1998—2010 йилларда ишлаб чиқарилган машина кўплаб нашрлар томонидан оилавий автомобиль сифатида эътироф этилган.
Neorion Chicago
1974—1976 йилларда атиги иккита Neorion Chicago йиғилган. Машинани яратишга саккиз ой кетган. Асос сифатида Jeep Wagoneer олинган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)