Тошкент чорраҳаларидаги кузатув камералари томондан қайд этилган қоидабузарликлар бўйича кўплаб мурожаатлар бўлмоқда. Мурожаатлар сонининг кўплиги call-марказга боғланишда ҳайдовчиларга қийинчиликлар туғдирмоқда.
Шу сабабдан яқин кунларда қоидабузарликлар бўйича маълумот олишга имкон берувчи махсус сайт ишга туширилиши режалаштирилмоқда. Бу ҳақда 30 март куни Тошкент шаҳар ИИББда бўлиб ўтган брифингда маълум қилинди.
Ҳар бир ҳайдовчи телефон рақами ва паспорт маълумотларини киритиб, сайтда рўйхатдан ўтиши ва шахсий кабинетини очиши мумкин бўлади. Шахсий кабинет орқали ҳайдовчи ўзи йўл қўйган қоидабузарлик ва жарима суммаси ҳақида маълумотга эга бўлади.Шунингдек, мурожаатлар сонининг кўплигини инобатга олган ҳолда уларни қабул қилиш учун call-марказда телефон рақамларини кўпайтириш ҳам режалаштирилмоқда.Алишер Абдуқодиров, Тошкент шаҳар ИИББ ЙҲХБ Жамоат ва ОАВ билан ишлаш бўлинмаси инспектори
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)