Мексикалик фотограф Феликс Эрнандес Audi Q2 рекламасининг суратга олиш жараёнини намойиш этди. Рекламада автомобилларнинг ўйинчоқ моделларидан фойдаланилган. Бу ҳақда DIY Photography нашрига таяниб, TJournal хабар берди.
Лойиҳа учун Эрнандес учта саҳна яратди: чўл, шаҳар кўчаси ва БААдаги Дубай канали устидан ўтган кўприк.
Фотограф ўз студиясида цемент ва сув ёрдамида ҳақиқий қум уюмларини яратди. Бундан ташқари, кўприкнинг фонини суратга олиш учун Дубайга учишига тўғри келди. Шаҳар кўчасидаги йўл қопламасини яратиш учун қумқоғоздан фойдаланди.
2016 йил октябрь ойида Эрнандес Audi R8 рекламаси учун ҳам ўйинчоқ моделдан фойдаланган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)