Сомалилик қароқчилар бошқа каттароқ кемаларга ҳужум қилишда фойдаланиш учун Сомалига тегишли кичикроқ кемани эгаллаб олди. Бу ҳақда Сомали полициясига асосланиб Reuters агентлиги хабар бермоқда.
Ҳуқуқни муҳофаза қилиш органлари ходимларининг сўзларига кўра, кема бортида бўлган экипажнинг ўн аъзоси қирғоқда тушириб қолдирилган.
Сомали шимолидаги Эйл қишлоғи аҳли бир гуруҳ қишлоқдошлари кема излаб, денгизга чиқиб кетганини ва ҳужумга учраган кемани айнан улар эгаллаб олган бўлиши мумкинлигини таъкидлади.
Полиция вакилларининг қайд этишича, кема уни эгаллаб олган қароқчилар билан бирга бедарак йўқолган. Кема бортида ошпаз, капитан ва муҳандис қолгани айтилмоқда.
Аввалроқ, сомалилик денгиз қароқчилари 2017 йилнинг март ойи бошида 2012 йилдан бери биринчи марта тижорий кемани эгаллаб олгани — Шри-Ланка нефть танкери қароқчилар ҳужумига учрагани маълум бўлган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)