Харьков вилоятининг Балаклея шаҳрида, ёнаётган ҳарбий омборлар яқинидаги уйлардан биридан аёл кишининг жасади топилди. Бу ҳақда Украина фавқулодда вазиятлар давлат хизмати раҳбари Николай Чечёткин маълум қилди, дея хабар беради «Корреспондент.net».
«Аҳоли турар-жойларини текшириш давомида уй вайроналари остидан 1951 йилда туғилган аёл жасади топилди. 1962 йилда таваллуд топган яна бир аёл бошидан жароҳат олди ва касалхонага ётқизилди», — дея парламентда ҳисоб берди Николай Чечёткин.
Хизмат раҳбарига кўра, Балаклеяда жами 12 та уй вайрон бўлган. Портлаш тўлқини ва ўқ-дори бўлаклари билан кўп қаватли ва хусусий уйлар, мактаб, темир йўл станцияси, сут заводи ҳамда бошқа объектлар томи, ойналарига шикаст етди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)