Сербия ҳеч қачон НАТО аъзосига айланмайди. Бу ҳақда Сербия бош вазири Александр Вучич Югославиянинг НАТО томонидан бомбардимон қилиниши 18 йиллигига бағишланган хотира маросимида айтиб ўтди, дея хабар қилади «ТАСС».
«НАТО Сербия рангини яксон қилмоқчи эди, у бошқа ҳеч қачон ўзини ўнглаб ололмаслиги учун уни тиз чўктирмоқчи эди. Сербия бошқа иттифоққа аъзо бўлмагани каби, НАТОга ҳам ҳеч қачон аъзо бўлмайди», — дея маълум қилди бош вазир.
Вучичнинг таъкидлашича, 18 йил аввал НАТОнинг Югославия, жумладан, Сербияга етказган зарари 30 миллиардан 100 миллиард долларгача баҳоланган. НАТО уч ой давом этган уруш учун сарфлаган пуллар 80 миллион одамни боқишга етган бўларди.
18 йил аввалги бомбардировка оқибатида 3500 дан 4000 гача инсон ҳалок бўлган (мингга яқин ҳарбий хизматчи ва полициячилар, 2 мингдан зиёд оддий фуқаро, жумладан, 79 нафар бола), жароҳат олганлар сони эса 10 мингдан ошади.
«Шунга қарамай, биз серб қалбидаги ғурур ҳамда қадр-қимматни сақлаб қола олдик, бизнинг кичик мамлакатимиз аввалгидек ҳозир ҳам енгилмасдир», — деди Вучич.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)