Саудия Арабистони бошчилигидаги араб коалицияси Яманда икки мингдан зиёд мактабни вайрон қилди. Бу ҳақида Яман таълим вазирлиги ахборот бўлими директори Исмоил Зайдон «РИА Новости»га маълум қилди.
Март охирида Яманда араб коалицияси томонидан операция бошланганига икки йил тўлади. 2015 йили Ар-Риёд ҳамда унинг иттифоқчилари шиа исёнчиларга қарши фуқаролик можаросига Яман президенти Абд-Раббу Мансур Ҳодийни қўллаб қувватлаш мақсадида аралашган.
Исёнчилар томонидан назорат қилинаётган пойтахт Санадаги вазирлик номидан баёнот берган Зайдоннинг сўзларига кўра, «Саудия босқини» натижасида 2306 та мактаб ва бошқа таълим муассасалари вайрон бўлган.
Унинг сўзларига кўра, етказилган талофат 400 миллион АҚШ долларига баҳоланмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)