Полиция 22 март, чоршанба куни Лондонда юз берган теракт қурбонлари сонига аниқлик киритилди, дея хабар бермоқда «Коммерсантъ».
Скотланд-Ярднинг аксилтеррор бўлинмаси вакили Марк Роулининг сўзларига кўра, ҳужум оқибатида тўрт киши, жумладан, террорчининг ўзи ҳалок бўлган. Етти кишининг аҳволи оғир.
«Ўзимиз ўтказаётган тергов доирасида аминмизки, кеча ҳужум уюштирган шахс бир ўзи ҳаракат қилган ва халқаро террорчиликдан илҳом олган», — деди Роули. Унинг сўзларига кўра, полиция жамоатчиликка хавф солаётган бошқа таҳдидлар ҳақида аниқ ахборотга эга эмас.
Марк Роули полиция ҳақиқатан ҳам Бирмингемда олти манзил бўйича тинтув ўтказиб, етти кишини ҳибсга олганини тасдиқлади. Аввалроқ террорчи томонидан фойдаланилган Hyundai Tucson автомобили 16 март куни Бирмингемдаги Enterprise компаниясида ижарага олингани маълум бўлган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)