АҚШ федерал прокуратураси Шимолий Кореяни Бангладеш марказий банкининг Нью-Йорк федерал захира банкидаги ҳисоб рақамидан 101 миллион долларни ўмаришни ташкил этишда айблаш учун далиллар тайёрламоқда. Бу ҳақда «Интерфакс» хабар берди.
Шунингдек, КХДРга бу жиноятни амалга оширишда ёрдам берган Хитой компаниялари ва фуқароларига нисбатан ҳам текширув олиб борилмоқда.
Ўтган йили киберхавфсизлик соҳасида ишлайдиган Symantec корпорацияси КХДРнинг Осиёдаги уч банк: Бангладеш марказий банки, Филиппин ва Вьетнамдаги тижорий банклар ҳисоб рақамларини бузишга эҳтимолий алоқадорлигини текширди.
Корпорация экспертлари барча ҳодисалар ортида КХДР билан боғлиқ бўлган ва 2015 йили Ким Чен Ин ҳақидаги «Интервью» фильми чиқишидан аввал Sony Pictures компанияси серверларини бузган хакерлар гуруҳи турганлиги ҳақидаги хулосага келди.
Бангладеш марказий банки ҳисоб рақамининг ўмарилиши 2016 йил мартида рўй берди. Хакерлар ўшанда 20 миллион долларни Шри-Ланка, 81 миллион долларни эса Филиппинга ўтказиб юборишга муваффақ бўлганди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)