Орамизда ёзгача озишни ўз олдига мақсад қилиб қўйганлар ёки қоматини ихчамлаштирмоқчи бўлганлар жуда кўпчиликни ташкил қилса керак. Тўғри овқатланишга риоя қилишда бизга фақат битта омил халал беради. Бу доимий равишда кўз олдимизда пайдо бўладиган мазали бўлса ҳам фойдаси йўқ егуликлар: шоколадлар, печеньелар, конфетлар, чипслар. Биз мақоламизда тақиқланган егуликларни ейишдан ўзини қандай тийиш ҳақида айтмоқчимиз.
Аниқ мақсад қўйинг
«Ширинлик истеъмол қилишни камайтириш» – бу мақсад эмас восита. Шунинг учун шакллантиришга ёрдам берувчи тўртта саволга жавоб беринг.- Сиз аниқ нимани хоҳлайсиз?
- Нима учун буни хоҳлайсиз?
- Мақсадга етиш учун нима қилиш керак? Рақамларда.
- Натижага эришганингизни қандай биласиз?
Тасаввур қилинг
Ўзингизни тасаввур қилинг. Мақсадингизга эришгандан кейин қандай кўринасиз? Юришингиз қандай ўзгаради? Ҳаётингизда нималар юз беради? Қанчалик майда-чуйдаларигача тасаввур қилсангиз шунча яхшироқ. Бу жуда илҳомлантиради.Эрталаб ва кечқурун диққатингизни мақсадга қаратинг
Ҳар куни эрталаб бугунги кун мақсадингиз сари янада яқинлаштиришига ўзингизни ишонтиринг.Кечқурун кунингиздан хулоса чиқаринг ва ўзингизни мақташга лойиқ камида бешта вазиятни эсланг.
Икки йўлдан бирини танланг
Иккиланиб қолган пайтингизда сизда қатъий бир танлов бўлиши лозим. Руҳшунослар ширинликларни кўнгил очишнинг бир тури деб ҳисоблашади. Шунинг учун ўзингизга савол беринг: «Мен шу ширинликни ейишдан бошқа яна нима қилишни жуда хоҳлардим?» Олдиндан вариантларни тайёрлаб қўйинг: контраст душ қабул қилиш, дугонам билан суҳбатлашиш, боғда айланиш.Манба: Women’s Health
Изоҳ (0)