Инглиз тили — халқаро тил, шунингдек, у хитой ва рус тилидан фарқли ўлароқ, анча содда тил. Инглиз тили фақат чет мамлакатга саёҳатга борганда ёки ўз юртингизда хорижлик сайёҳлар билан мулоқот қилишда эмас, балки ишда ҳам сизга қўл келади.
Бизнинг тавсияларимиз сизга инглиз тили билан шуғулланишга вақтингиз ва нақдингиз бўлмаган ҳолатларда ҳам ёрдам бериши мумкин.
Биринчи тавсия — нотўғри феъллар жадвалини, шунингдек, сўзлашув ибораларини принтердан чиқариб олиб, бутун уй бўйлаб осиб чиқиш. Нонушта вақтида ёки уй юмушларини бажараётганингизда ё бўлмаса, уйқу олдидан уларга дуч келиб, беихтиёр ўқийсиз ва ёдда сақлайсиз.
Иккинчиси — телефонингизга Duolingo ва 50 languages бепул дастурларини юклаб олинг (Playmarket ва Appstore’да бор). Улар бир дунё фойдали маълумотлар, дарслар ва тайёр ибораларни, шунингдек, инглиз тили бўйича тестларни ўз ичига олади.
Учинчи тавсия — инглиз тилида сўзлашувчи танишлар орттиринг. Facebook, Instagram ва бошқа ижтимоий тармоқлар туфайли, бугунги кунда бу қийин иш эмас. Улардан инглиз тилингизни амалда қўллаб кўришда ёрдам сўрашдан уялманг.
Ва ниҳоят, энг асосийси, янги нарсани билиб олишдан тортинманг ва қўрқманг. Бирорта дўстингиз билан бирга инглиз тилини ўрганинг ва у билан фақат инглизча гаплашишга келишиб олинг. Америка сериалларини томоша қилинг, инглизча қўшиқлар тингланг ва асосийси, мотивацияни йўқотманг. Stay motivated!
Изоҳ (0)