Жорий йилнинг 15 март куни Давлат рақобат қўмитасида Жаҳон банки миссияси аъзолари билан учрашув бўлиб ўтди. Бу ҳақда қўмита ахборот хизмати хабар бермоқда.
Учрашув Жаҳон банки томонидан тайёрланаётган иш ўринларини кенгайтириш ва замонавий иқтисодиёт нуқтаи назаридан амалий кўникмаларни янада яхшилаш лойиҳаси доирасида ўтказилди.
Музокаралар давомида Жаҳон банки мутахассислари томонидан кичик тадбиркорликни ривожлантириш аҳоли бандлигини оширишнинг самарали механизми экани эътироф этилди. Шу борада, Кафолат фондининг тузилиши кичик бизнесни қўллаб-қувватлаш ва унга кўмаклашишга йўналтирилганига юқори баҳо берилди. Келажакда Жаҳон банки мутахассисларини ушбу фонд билан яқиндан ҳамкорлик қилишга қизиқиш уйғотгани билдирилди.
Амалий кўмак сифатида кичик бизнесни ривожлантириш ва Кафолат фонди салоҳиятини ошириш учун Жаҳон банкининг кредитларидан фойдаланиш масаласи гаплашиб олинди.
Томонлар, шунингдек, Жаҳон банкини Кафолат фонди таъсисчилари таркибига киритиш масаласини ҳам кўриб чиқди.
Маълумот ўрнида, Кафолат фонди Ўзбекистон Республикаси Президентининг 2017 йил 10 февралдаги қарорига мувофиқ тузилган бўлиб, унинг устав капитали 100 миллиард сўмга тенг бўлиб, 22 та таъсисчи ўртасида тақсимланган.
Изоҳ (0)