Тошкентда камералар қайд этган 10 минг қоидабузарлик, дам олиш кунига айланган душанба, Ўзбекистондан ташвишланаётган қозоғистонлик эксперт ва куннинг бошқа муҳим хабарлари

16 мартнинг эътиборга молик янгиликлари — «Дарё»нинг кечки дайжестида.

1. Ўзбекистонда 20 март, душанба дам олиш куни деб эълон қилинди. Ўзбекистон Президенти Шавкат Мирзиёев 16 март куни дам олиш кунини 18 мартдан 20 мартга кўчириш тўғрисидаги қарорни имзолади.

2. Шавкат Мирзиёев шошилинч тиббий ёрдамни такомиллаштириш ҳақидаги фармонни имзолади. Фармонга мувофиқ, 2017 йилда тиббий ёрдам хизмати учун 1200 та махсус автомобиль сотиб олинади, 2019 йилдан 9-1-1 хизматининг маҳаллий муқобили ишга тушиши мумкин.

3. Нотинч Франция: Франция жануби-шарқида лицейга ҳужум уюштирилди, Халқаро валюта жамғармасининг Париждаги офисида портлаш содир бўлди.

4. Қозоғистон иқтисодиёт вазири: Ўзбекистон Қозоғистон билан инвестициялар ва бозорлар учун кураш олиб боради. «Ўзбекистоннинг мустаҳкамланиши биз учун аниқ чақириқ бўлади».

5. Тошкент чорраҳаларидаги камералар 36 соатда 10 мингдан зиёд қоидабузарликни қайд этди. Камера ўрнатилган чорраҳага яшил чироқда кириб, ундан чиқишга улгурмаган ҳайдовчилар жаримага тортиладими? Кузатув камераси ўрнатилган чорраҳани инспектор буйруғи билан қизил чироқда кесиб ўтган ҳайдовчилар жаримага тортилмайди.

«Дарё»нинг Telegram’даги расмий канали — @toshqindaryo’га аъзо бўлинг!