Бухоро вилояти Қоровулбозор туманидаги «Жайрон» экомарказида экологик туризмни ривожлантириш мақсадида реконструкция ўтказилиши режалаштирилмоқда, дея хабар беради «Nuz.uz» сайти.
Қўриқхона маъмуриятининг хабарига кўра, туристларнинг экомарказ ҳудудини кузатиши ва суратга олишига қулайлик туғдириш мақсадида махсус кузатув майдончалари очилади. Бундан қўриқхонага ташриф буюрувчиларнинг ортиши билан бирга шу ердаги ҳайвонларнинг яшаш тарзига халақит бермаслик мақсад қилинган.
Қўриқхона яқин кунларда ўзининг 40 йиллик юбилейини нишонлайди. Юбилей муносабати билан реконструкция ишлари олиб борилмоқда. Ҳозирда экомарказ ҳудудида 750 жайрон, 119 қулун, 24 Пржевальский оти, Бухоро буғуси (хонгул), бурамашохли тоғ эчкиси (морхур), Бухоро қўйи ва бошқа кўплаб ноёб ҳайвонлар яшамоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)