Ўзбекистон Президенти Шавкат Мирзиёев 16 март куни «Шошилинч тиббий ёрдамни янада такомиллаштириш чора-тадбирлари тўғрисида»ги фармонни имзолади. Фармон матни ЎзА томонидан эълон қилинди.
Фармонга кўра, 2017 йилнинг 1 июлигача ягона маълумотлар базаси ва маълумотларни узатиш тармоғини яратган ҳолда, тез тиббий ёрдам бригадаларининг фаолиятини тезкор бошқариш ва мувофиқлаштирилишини таъминловчи Республика шошилинч тиббий ёрдам илмий маркази ва унинг ҳудудий филиалларининг мувофиқлаштирувчи-диспетчерлик хизматлари фаолиятини ташкил қилиш бўйича чора-тадбирлар мажмуаси ишлаб чиқилади.Мавзуга доир: Ўзбекистонда 2017 йилда тиббий ёрдам хизмати учун 1200 та махсус автомобиль сотиб олинади
Шу муносабат билан 2019 йилнинг 1 январидан бошлаб Ички ишлар вазирлиги, Фавқулодда вазиятлар вазирлиги ва «Ўзтрансгаз» компанияси билан ўзаро ҳамкорликда фаолият юритувчи мувофиқлаштирувчи-диспетчерлик хизматлари жорий қилинади.
Мавзуга доир: Тошкент тез тиббий ёрдам станцияси тўлиқ Республика шошилинч тиббий ёрдам илмий марказига берилади
Изоҳ (0)