Истанбулда вертолёт телеминорага урилиб қулади. Беш киши ҳалок бўлди

Истанбулда 10 март куни тонгда вертолёт қулади. Унинг бортида етти киши бўлган, улардан беш нафари ҳалок бўлган, дея хабар бермоқда Meduza.

«ТАСС»нинг вертолёт эгаси ҳисобланган Eczacibasi холдинги матбуот хизматига асосланиб хабар беришича, ҳалок бўлганларнинг тўрт нафари Россия фуқароларидир.

«Улар қайси компания ходимлари эканини ҳозирча маълум қила олмаймиз», — дейилади матбуот хизмати ахборотида.

Daily Sabah’нинг ёзишича, ҳалок бўлганлар орасида туркиялик ишбилармон Салим Ўзен ҳам бор: у Россияда керамик плита ва сантехника маҳсулотларини ишлаб чиқарувчи VitrA Russia компанияси раҳбари эди.

The Hurriyet Daily News’нинг ёзишича, вертолёт Буюкчекмедже туманида телеминорага урилиб, катта йўлга қулаган.

https://twitter.com/Hurriyet/status/840131042031808512

https://twitter.com/ntv/status/840131408282640385

https://twitter.com/ntv/status/840133095131045890

«Дарё»нинг Telegram’даги расмий канали — @toshqindaryo’га аъзо бўлинг!