Зимбабведа мотам маросимига кетаётган бир оиланинг 14 нафар аъзоси ЙТҲ оқибатида ҳалок бўлди

Зимбабведа юк машинасининг микроавтобусга урилиши натижасида мотам маросимига кетаётган 14 киши қурбон бўлди. Бу ҳақда The Chronicle нашри хабар берди.

Нашрнинг хабар беришича, ҳалокатга учраганларнинг барчаси бир оила аъзолари бўлган. Улар Масвинго шаҳрига мотам маросимига кетаётган эди. Ҳалокат 8 март куни маҳаллий вақт билан, тахминан, кеч соат 22:00 да юз берган. ЙТҲ сабаби аниқланмаган, бироқ гувоҳлардан бирининг кўрсатмаларига кўра, юк машинаси микроавтобусга урилганидан сўнг чуқурга тушиб кетган.

Фавқулодда вазиятлар хизмати вакилининг маълумот беришича, 13 киши ҳодиса жойида ҳалок бўлган, омон қолган беш киши касалхонага жўнатилган. Улардан бири кейинроқ касалхонада вафот этган.

«Дарё»нинг Telegram’даги расмий канали — @toshqindaryo’га аъзо бўлинг!