Корея Республикаси президенти Пак Кин Хенинг ҳокимиятдан узил-кесил четлатилиши мамлакатнинг КХДР билан алоқаларига таъсир ўтказмайди. Бу ҳақда мамлакат бирлашув вазирлигининг расмий вакили маълум қилди, деб ёзади «ТАСС».
«Конституциявий суд ҳукмига қарамай, вазирлик Шимолий Кореяга нисбатан ҳозирги сиёсатни олиб боришда давом этади», — деди у.
2013 йилда ҳокимият тепасига келгач, Пак Кин Хе КХДР билан ишончли муносабатларни қуриш устида ишламоқчи эканлигини эълон қилган эди. Аммо Пхеньян 2016 йилда иккита ядро синовини ўтказиб, 20 дан ортиқ баллистик ракета учиргач, Кореялараро алоқалар тарихдаги энг пастки нуқталардан бирига келиб қолди.
Эслатиб ўтамиз, Жанубий Корея Конституциявий суди 2016 йил 9 декабрда йирик коррупция можароси фонида мамлакат парламенти томонидан президент Пак Кин Хега нисбатан эълон қилинган импичментни тасдиқлади.
Изоҳ (0)