Қозоғистон президенти Нурсултон Назарбоев «Қозоғистон Республикаси конституциясига ўзгартириш ва қўшимчалар киритиш тўғрисида»ги қонунни имзолади. Бу ҳақда давлат раҳбарининг матбуот хизмати маълум қилди, дея хабар беради «ТАСС».
Мазкур қонун лойиҳаси Қозоғистон парламенти томонидан 6 март куни маъқулланган ва имзолаш учун мамлакат президентига юборилганди.
Нурсултон Назарбоев шу куннинг ўзида ҳужжатни мамлакат Конституциявий кенгашига йўллади. Кенгаш 9 март куни парламент қабул қилган конституцияга тузатишларни асосий қонун тамойилларига мос келишини эътироф этди.
Ҳужжат билан мамлакат асосий қонунининг давлат тармоқлари ўртасида ваколатларни тақсимлашга қаратилган 23 та моддасига ўзгартиришлар киритилди.
Тузатишлар парламент ролини кучайтириш, ҳукумат мустақиллиги ва масъулиятини оширишга қаратилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)